ქედის მუნიციპალიტეტის სოფელ ახოს N1 საჯარო სკოლაში 1 ივნისი აღნიშნეს. 

სკოლის პედაგოგებმა მოსწავლეებს ბავშვთა დაცვის საერთაშორისო დღე საინტერესო და მხიარული აქტივობებით გაულამაზეს. 

სკოლის ფოიე და ყველა საკლასო ოთახი მოირთო ფერადი ბუშტებით, მასწავლებლებმა მოსწავლეებს დაფაზე ემოციური მისალოცი წერილები დაუტოვეს.

„პირველი გაკვეთილი ყველა კლასში მიეძღვნა საუბარს ბავშვთა დაცვის დღის დაარსებასა და ბავშვთა კონვენციაზე. მესამე გაკვეთილის შემდეგ, სკოლის ეზოში, ნორჩმა მხატვრებმა შეასრულეს ნახატები, მხატვრული სიტყვის ოსტატებმა გამოთქმით თქვეს ლექსები, შეასრულეს სიმღერა საქართველოზე და კლასებს შორის ჩატარდა „მხიარული სტარტები“.
ბედნიერ და უზრუნველ ბავშვობას გისურვებთ, ბავშვებო!!! 
დაე, მუდამ იყოს მზე!“,- აღნიშნულია სკოლის მიერ მოწოდებულ ინფორმაციაში. 

იხილეთ ფოტოები