ჩამდურის საჯარო სკოლის მოსწავლეებმა ბავშვთა დაცვის საერთაშორისო დღე იზეიმეს
02-06-2021
ახალქალაქის მუნიციპალიტეტის სოფელ ჩამდურის საჯარო სკოლის მოსწავლეებმა ბავშვთა დაცვის საერთაშორისო დღე იზეიმეს.
უფროსი კლასის მოსწავლეებმა უმცროსკლასელებს ეს დღე განსაკუთრებულად მიულოცეს - მოსწავლეებმა დაბალკლასელებს საკლასო ოთახებში მისალოცი წერილები დაუტოვეს, ეზოში გამოიყვანეს და მათთან ერთად ეზო ბუშტებით მოხატეს და იხალისეს.
აღსანიშნავია, რომ პირველად, ბავშვთა დაცვის საერთაშორისო დღე, 1950 წლის 1 ივნისს იზეიმეს, რის შემდეგაც იგი ყოველ წელს მთელ მსოფლიოში აღინიშნება.
ამ დღეს მხოლოდ გასართობი ხასიათი არ აქვს, ეს დღე შეხსენებაა იმისა, რომ ყველა ბავშვი ჯანსაღ და უსაფრთხო გარემოში უნდა იზრდებოდეს, სადაც მას სრულყოფილი განათლებისა და ყველა საჭირო სიკეთის მიღება შეუძლია.
იხილეთ ფოტოები
სკოლების სიახლეები
