ჯიმითის საჯარო სკოლის მე-10 კლასის მოსწავლე ნათია ტურაშვილი კონკურსში ერთ-ერთ საუკეთესო წერილის ავტორად დასახელდა
02-06-2021
გურჯაანის მუნიციპალიტეტის ჯიმითის საჯარო სკოლის მე-10 კლასის მოსწავლე ნათია ტურაშვილი კონკურსის „მისწერე წერილი ბიბლიოთეკას“ საუკეთესო წერილის ავტორებს შორის მოხვდა.
გურჯაანის საბიბლიოთეკო და სამუზეუმო გაერთიანების ინიციატივით, აპრილში გამოცხადდა კონკურსი სახელწოდებით - „მისწერე წერილი ბიბლიოთეკას“.
კონკურსის მიზანი იყო, გამოევლინა ბიბლიოთეკების როლი თანამედროვე საზოგადოებაში და კონკურსანტის თვალით დანახული მომავლის ბიბლიოთეკა.
ჟიურიმ სამი საუკეთესო წერილის ავტორი გამოავლინა, მათ შორისაა ჯიმითის საჯარო სკოლის მე-10 კლასის მოსწავლე ნათია ტურაშვილი.
გამარჯვებული წერილების ავტორებს გადაეცათ დიპლომები, ფასიანი საჩუქრები და ორგანიზაციის მიერ ბრენდირებული ჩანთები და კალმები.
იხილეთ ფოტოები
სკოლების სიახლეები
