რა გამოწვევების წინაშე დააყენა კოვიდ-პანდემიამ და რა ასწავლა ონლაინ სწავლებამ; როგორ დაახასიათებდა 2020 წელს და რაზე ფიქრობს ყველაზე ხშირად - ამ და სხვა საკითხებზე etaloni.ge თბილისის N217 საჯარო სკოლის დირექტორის, რუსუდან ქელდიშვილის ბლიც-ინტერვიუს გთავაზობთ:
- სკოლა არის...
- სკოლა, ერთის მხრივ, არის ადგილი განათლების მისაღებად,მეორეს მხრივ, საშუალება ურთიერთობების შესასწავლად.
- ცოდნა გვანიჭებს. . .
- ცოდნა გვანიჭებს უამრავ საინტერესო პერსპექტივას და ახალ-ახალ შესაძლებლობებს ცხოვრებაში.
- მომავალ თაობას სჭირდება. . .
- განათლება, კეთილშობილება და თავისუფლება, რომელიც მისცემთ მათ საშუალებას სწორად დაგეგმონ მომავალი და მიაღწიონ წარმატებას, რაც საბოლოოდ წარმატებული ქვეყნის გარანტიაა.
- როდესაც მოსწავლე ვიყავი. . .
- ვიყავი აქტიური მოსწავლე, ვსწავლობდი და ბევრს ვკითხულობდი,მაქსიმალურად ვცდილობდი ჩემი თავის რეალიზებას,ადვილად არაფრისთვის მიმიღწევია,ყველა წარმატებას წინ უძღოდა დაუღალავი შრომა და უძილო ღამეები.
- დირექტორობა მეხმარება. . .
- დირექტორობა მეხმარება ჩემი გამოცდილება და წარმატების ფორმულა სხვებს გავუზიარო,უკეთესობისკენ შევცვალო გარემო სადაც ვმუშაობ,გავხადო უსაფრთხო,სამართლიანი ,ჰუმანური და პოზიტიური, რათა ყველსა უხაროდეს სკოლაში მოსვლა.
- საკუთარ თავს ხშირად ვახსენებ. . .
- არასოდეს შეწყვიტო სწავლა, მუდმივად იფიქრე საკუთარ პროფესიულ განვითარებაზე,რათა შეძლო გამოწვევებთან გამკლავება და საკუთარი თავის რეალიზება.
- წარმატებისთვის აუცილებელია. . .
- წარმატების ფორმულა არ არსებობს,იგი მიიღწევა დიდი ძალისხმევით და თავდაუზოგავი შრომით,რითაც შეგვიძლია გავაფართოვოთ საკუთარი შესაძლებლობების ზღვარი, ასევე ცოდნით, რომ ჩვენი შასაძლებლობები მაქსიმალურად გამოიყენოთ.
