წყალტუბოს მუნიციპალიტეტის სოფელ ქვიტირის საჯარო სკოლაში „ბელგიური სილაბუსების“ ციკლით გაკვეთილების ჩატარება გრძელდება.
ამჯერად, მათემატიკის წამყვანი მასწავლებლის, ლეილა სვანიძის ინიციატივით, ჩატარდა გაკვეთილები თემაზე: „ღვთაებრივი პროპორცია-ოქროს კვეთა“, რომელშიც გაერთიანდნენ საგნები: მათემატიკა, ქართული, ბუნებისმეტყველება/ბიოლოგია, ფიზიკა, მუსიკა და ხელოვნება.
მასწავლებლებმა ერთი თემის გარშემო ჩაატარეს საინტერესო და კრეატიული გაკვეთილები.
„აღნიშნულმა გაკვეთილებმა მოსწავლეთა და მასწავლებელთა განსაკუთრებული მოწონება დაიმსახურა. განსაკუთრებული მონდომება და კრეატიულობა გამოიჩინეს მასწავლებლებმა: ლეილა სვანიძემ, გია ჩოგოვაძემ და თამარ ქორიძემ. გაკვეთილების ჩატარებას დიდი თანადგომა გაუწია კახაბერ ჩაკვეტაძემ. წარმატებები მათ!“,- აღნიშნულია სკოლის მიერ მოწოდებულ ინფორმაციაში.
