„დაილოცოს დედაენის შემოქმედი“ - ამ ლამაზი სიტყვებით დაასრულეს „ქართულ-ევროპულ სკოლა ორნატში“ პირველკლასელებმა სასწავლო წელი, რომელიც უამრავი გამოწვევებით იყო სავსე.

პატარებმა სასწავლო წლის დასრულებას ზეიმი მიუძღვნეს და შემოქმედებითი ნიჭი წარმოაჩინეს. მათმა გამოსვლამ მოწონება დაიმსახურა.

„პირველი კლასის პედაგოგის ირმა ჭიჭინაძის შრომას უკვალოდ არ ჩაუვლია, რისი შედეგიც იყო ეს საინტერესო პრეზენტაცია. მადლობა ბავშვებს და მათ საყვარელ ირმა მასწავლებელს“ - ნათქვამია სკოლის ინფორმაციაში.

სასწავლო წლის ბოლო დღეს პატარებმა დამრიგებელთან ერთად, სამახსოვრო ფოტოები გადაიღეს. ეს დღე პატარებისთვის დასამახსოვრებელი გამოდგა.