ვახტანგ პაპუნიძის სახელობის დაბა ქედის საჯარო სკოლის მოსწავლეებმა საქართველოს დამოუკიდებლობის დღის აღსანიშნავად ღონისძიება ჩაატარეს.

„ვახტანგ პაპუნიძის სახელობის დაბა ქედის საჯარო სკოლის დაწყებითი კლასებისა და VII^ა კლასის მოსწავლეებმა საქართველოს დამოუკიდებლობის დღესთან დაკავშირებით ჩაატარეს ღონისძიებები თემაზე: „ჩემი საქართველო“ და შეასრულეს ლიტერატურულ - მუსიკალური კომპოზიციები. ფაზლებად გაკეთებული  საქართველოს კუთხეები ერთ მთლიან საქართველოს რუკად შეკრეს.

ასევე, lll^ა კლასის მოსწავლეებმა წარმოადგინეს  სხვადასხვა აქტივობები საქართველოს დამოუკიდებლობის დღის კვირეულის აღსანიშნავად. ფაზლებად შექმნილი საქართველოს კუთხეები ერთ მთლიან რუკად ააწყვეს. თემასთან დაკავშირებით პრეზენტაციით წარმოადგინეს პირვანდელი 1918 წლის და ახლანდელი სახელმწიფოებრივი ატრიბუტები: გერბი, დროშა, ჰიმნი. დამოუკიდებლობის აქტები და საქართველოს ტერიტორიული რუკა. მოინახულეს ქედელი მამულიშვილის ყადირ შერვაშიძის ძეგლი. მან ხელი მოაწერა 1918 წლის დემოკრატიული საქართველოს დამოუკიდებლობის აქტს“, - აღნიშნულია სკოლის მიერ მოწოდებულ ინფორმაციაში.