„ბედნიერი არდადეგები ჩემო პატარებო!“ - თბილისის N48 სკოლა პირველკლასელებს ახალ სასწავლო წლამდე დაემშვიდობა
28-05-2021
თბილისის N48 საჯარო სკოლაში სწავლა-სწავლების პროცესი აქტიურად და რა თქმა უნდა, არსებული პროტოკოლის ზედმიწევნით დაცვით მიმდინარეობს. მოსწავლეები ჩართულები არიან სასკოლო ცხოვრებაში, საგაკვეთილო პროცესში, სხვადასხვა აქტივობასაც დიდი წარმატებით ახორციელებენ და სკოლის ერთმუშტად შეკრული, პროფესიონალი გუნდის დამსახურებით, ძალიან უყვართ სწავლა.
განსაკუთრებით შთამბეჭდავია ეს ყველაფერი პირველკლასელებისთვის, რომლებმაც პანდემიურ პერიოდში შეაღეს მშობლიური სკოლის კარი და ახლაც, არცთუ მარტივ ვითარებაში უწევთ დამშვიდობება მასწავლებელთან.
დიდი სიყვარულით გააცილა თბილისის N48 საჯარო სკოლის დაფრთიანებული პირველკლასელები ეკა მასწავლებელმა და გზა დაულოცა საზაფხულო, სასიამოვნო თავგადასავლებისთვის...
სკოლების სიახლეები
