გარდაბნის მუნიციპალიტეტის სოფელ კალინინოს სკოლაში პირველკლასელებმა ანბანი ზეიმით „გააცილეს“.

პატარებმა სანახაობრივი ღონისძიება წარმოადგინეს. პირველკლასელებმა შემოქმედებითი ნომრები დიდი მონდომებით შეასრულეს და მაყურებლის დიდი მოწონებაც დაიმსახურეს.

ღონისძიების ბოლოს პედაგოგებმა პირველი კლასის მოსწავლეებს საანბანო პერიოდის წარმატებით დასრულება მიულოცეს და წარმატება უსურვეს.