აბაშის მუნიციპალიტეტის სოფელ ნაესაკოვოს საჯარო სკოლის მე-5 კლასის მოსწავლეებმა საქართველოს დამოუკიდებლობის დღისადმი მიძღვნილი ღონისძიება - „საქართველო, სიცოცხლევ ჩემო“ ჩაატარეს.
ღონისძიებაზე სიტყვით გამოვიდა ისტორიის მასწავლებელი მერაბ ხოშტარია. მოსწავლეებმა შეასრულეს საქართველოს ჰიმნი და სიმღერები, წაიკითხეს ლექსები. ღონისძიება იყო ლამაზი და საინტერესო.
26 მაისს საქართველოში დამოუკიდებლობის დღე აღინიშნება.
ზუსტად 103 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო.საქართველოს დემოკრატიულმა რესპუბლიკამ, რომლის დამოუკიდებლობა ევროპის წამყვანმა ქვეყნებმა ცნეს, არსებობა არასრული სამი წლის თავზე, საბჭოთა რუსეთის მიერ განხორციელებული ოკუპაციის შემდეგ შეწყვიტა.
საქართველომ დამოუკიდებლობის აღდგენა 1991 წლის 9 აპრილს შეძლო.
იხილეთ ფოტოები
