შუახევის მუნიციპალიტეტის სოფელ ვანის საჯარო სკოლაში საქართველოს დამოუკიდებლობის დღე აღნიშნეს. 

სკოლაში საქართველოს ისტორიაში ამ უმნიშვნელოვანეს თარიღს ღონისძიება - „თავისუფლება ლომთა ხვედრია“ მიუძღვნეს. 

მოსწავლეებმა მასწავლებლებთან ერთად ისაუბრეს დამოუკიდებლობის არსზე და მის მნიშვნელობაზე.

26 მაისს საქართველოში დამოუკიდებლობის დღე აღინიშნება.

ზუსტად 103 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო.საქართველოს დემოკრატიულმა რესპუბლიკამ, რომლის დამოუკიდებლობა ევროპის წამყვანმა ქვეყნებმა ცნეს, არსებობა არასრული სამი წლის თავზე, საბჭოთა რუსეთის მიერ განხორციელებული ოკუპაციის შემდეგ შეწყვიტა.

საქართველომ დამოუკიდებლობის აღდგენა 1991 წლის 9 აპრილს შეძლო.

იხილეთ ფოტოები