„წარსულის კვალდაკვალ“- ხონის N2 საჯარო სკოლის გუნდმა - „მემატიანეები“ საინტერესო პროექტი განახორციელა
28-05-2021
აკაკი ჩხენკელის სახელობის ხონის N2 საჯარო სკოლის მე-10 კლასის გუნდმა - „მემატიანეები“, ისტორიის მასწავლებლის მადონა გოფოძე-კუპრაშვილის დახმარებით, ევროპის ფონდის მიერ დაფინანსებული პროექტი - „წარსულის კვალდაკვალ“ განახორციელა.
გუნდის წევრებმა შეიძინეს წიგნები და ინვენტარი, რომელიც დაანაწილეს სკოლის ყველა კლასისთვის და ჩამოაყალიბეს ისტორიის კლუბები. გუნდი გეგმავს სხვადასხვა კონკურსებისა თუ ვიქტორინების გამართვას.
გუნდის - „მემატიანეები" წევრების თქმით, აღნიშნული პროექტი ხელს შეუწყობს ისტორიის პოპულარიზაციას მოსწავლეებში.
„გვინდა მადლობა გადავუხადოთ მათ საინტერესო პროექტის განხორციელებისთვის და ვუსურვოთ წარმატებები!“,- აღნიშნავს სკოლის წარმომადგენელი.
იხილეთ ფოტოები
სკოლების სიახლეები
