ხაშურის მუნიციპალიტეტის სოფელ გომის საჯარო სკოლაში საქართველოს დამოუკიდებლობის დღე იზეიმეს. 

მე-2 კლასის მოსწავლეებმა საქართველოს ისტორიაში ეს უმნიშვნელოვანესი დღე მრავალფეროვანი და სახალისო აქტივობებით აღნიშნეს. 

„გომის სკოლის მეორე კლასის მოსწავლეები გილოცავთ დამოუკიდებლობის დღეს!“,- აღნიშნულია მოსწავლეთა მისალოც წერილში.

26 მაისს საქართველოში დამოუკიდებლობის დღე აღინიშნება.

ზუსტად 103 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო.საქართველოს დემოკრატიულმა რესპუბლიკამ, რომლის დამოუკიდებლობა ევროპის წამყვანმა ქვეყნებმა ცნეს, არსებობა არასრული სამი წლის თავზე, საბჭოთა რუსეთის მიერ განხორციელებული ოკუპაციის შემდეგ შეწყვიტა.

საქართველომ დამოუკიდებლობის აღდგენა 1991 წლის 9 აპრილს შეძლო.

იხილეთ ფოტოები