აკადემიკოს ილია ვეკუას სახელობის ფიზიკა-მათემატიკის თბილისის N42 საჯარო სკოლის XI კლასის მოსწავლე გიორგი ფერაძე „სასკოლო ლიგა 2021“-ს პირველი ტურის საუკეთესო გოლის ავტორია. 

საქართველოს მინი ფეხბურთის ასოციაციამ მოსწავლეთან ბლიც - ინტერვიუ ჩაწერა, რომელსაც უცვლელად გთავაზობთ:

ოჯახი - დიდ დროს ვატარებთ ერთად, მნიშვნელოვანია მათი ჩართულობა ჩემს ცხოვრებაში;

ჰობი - ფეხბურთი, ნადირობა;

მეგობრები - გვიყვარს ერთად სეირნობა, ლაშქრობები და საღამოების მოწყობა;

ძირითად დროს ვუთმობ - ოჯახს, სწავლას და მეგობრებს;

შენი ერთი დღე - დილას გაკვეთილებით ვიწყებ, შემდეგ მასწავლებლებთან მივდივარ, ოჯახი და საღამოს ვცდილობ დრო მეგობრებთან ერთად გავატარო;

ფეხბურთს თამაშობ - 4 წლიდან, მამამ მიმიყვანა. წელს გამოვედი, რადგან სწავლა ვარჩიე სპორტულ კარიერას; 

სასკოლო ლიგა 2021 - მომწონს საქართველოში ასეთი ტურნირი, რომ ტარდება, იმედი მაქვს ბევრ ნიჭიერ ახალგაზრდას მიეცემა საკუთარი თავის გამოვლენის საშუალება;

სამომავლო მიზნები - ვაპირებ თავისუფალ უნივერსიტეტში ჩაბარებას ბიზნესის მიმართულებით;

ცხოვრების ჯანსაღი წესი - აუცილებელია, ვცდილობ ვიცხოვრო მიუხედავად იშვიათი გადახვევების;

საყვარელი კლუბი, ფეხბურთელი - მიუნხენის ბაიერნი, ალფონსო დეივისი;

დასვენება - ზაფხულს ბაკურიანში ვატარებთ ოჯახი და სამეგობრო; 

ოცნება - საქართველოში ეკონომიური მდგომარეობის გაუმჯობესება.