ამბროლაურის მუნიციპალიტეტის სოფელ წესის საჯარო სკოლაში დამოუკიდებლობის დღისადმი მიძღვნილი პოეზიის საღამო ჩატარდა.

მოსწავლეებმა 1924 წლის აჯანყების მონაწილის, მიხა ხელაშვილის პოეზია „გააცოცხლეს“ .

„გასული საუკუნის 20-იან წლებში ბევრი ადამიანის ბედის ბორბალი დატრიალდა უკუღმა. მათ შორის გამორჩეული იყო მიხა ხელაშვილი. მის პიროვნებაში ერთმანეთს შეერწყა ბრწყინვალე მელექსე და დიდებული მამულიშვილი“, - აღნიშნავს სკოლის წარმომადგენელი.

პოეზიის საღამოს ხელმძღვანელი ისტორიისა და სამოქალაქო განათლების პედაგოგი მაია ცერცვაძე იყო.

იხილეთ ფოტოები