თბილისის N6 საჯარო სკოლის მოსწავლეები კონკურსში „შექმენი ეკოგმირი“ მონაწილეობისთვის სერტიფიკატებით დაჯილდოვდნენ და National Geographic-სგან საჩუქარიც დაიმსახურეს.

„კონკურსის „შექმენი ეკოგმირი“ ფარგლებში 500-მდე ნამუშევარი შემოვიდა ქვეყნის თითქმის ყველა რეგიონიდან, რისთვისაც გვინდა ძალიან დიდი მადლობა გადაგიხადოთ ყველა მოსწავლეს და მასწავლებელს. თქვენი ნამუშევრები ჩვენთვის ძალიან ძვირფასია და გვახარებს, რომ გარემოზე ზრუნვა თქვენთვის ასეთი მნიშვნელოვანია.

ყველა მონაწილე სკოლას გადაეცემა ეკოგმირის სპეციალური სერტიფიკატი მონაწილეობისა და საინტერესო ნაშრომების შექმნისთვის“, - წერია კონკურსის ორგანიზატორის ინფორმაციაში.

National Geographic -მა გამოავლინა დამატებით სამი ნამუშევრის ავტორები და მათ გადაეცემათ ჟურნალის სამი თვის უფასო გამოწერა. სწორედ მათ შორის არიან თბილისის N6 საჯარო სკოლის მოსწავლეები, რომლებმაც საჩუქარი მრავალფეროვანი ნამუშევრებისთვის დაიმსახურეს.