ქუთაისის N12 საჯარო სკოლის დირექცია და მასწავლებლები კურსდამთავრებულებს სკოლის დამთავრებას ულოცავენ. პედაგოგებმა გზა დაულოცეს საყვარელ მოსწავლეებს და წარმატებული მომავალი უსურვეს.
„ქუთაისის N12 საჯარო სკოლის 2020-2021 სასწავლო წლის კურსდამთავრებულებო!
გილოცავთ სკოლის დამთავრებას, ცხოვრების ახალი, სრულიად განსხვავებული ეტაპის დაწყებას, რომელმაც უნდა მოგცეთ საშუალება მაქსიმალურად გამოავლინოთ საკუთარი შესაძლებლობები – უმაღლეს სასწავლებლებში სწავლის გაგრძელებითა თუ სასურველი და საოცნებო პროფესიის დაუფლებით. დამოუკიდებელი ცხოვრების გზაზე, იმედია, საგზლად გაგყვებათ თქვენი მასწვლებლების სითბო, სიყვარული, სიკეთე, სკოლაში მიღებული ცოდნა, უნარ-ჩვევები. გვჯერა, თითოეული თქვენგანი იქნებით ჩვენი სკოლის, ქვეყნის გულშემატკივარი, 21-ე საუკუნის მოქალაქეობრივი პასუხისმგებლობის, ეროვნული თვითშეგნების მქონე ადამიანები. გისურვებთ წარმატებებს, დასახული მიზნების მიღწევას, გამარჯვებას!
სიყვარულითა და პატივისცემით, სსიპ ქალაქ ქუთაისის N12 საჯარო სკოლის დირექცია და მასწავლებლები“, - წერია სკოლის ინფორმაციაში.
იხილეთ ფოტოები
