პანდემიის გამო, საქართველოს საგანმანათლებლო სისტემა არაერთი გამოწვევის წინაშე დგას. არც ისაა მარტივი, ასეთ ვითარებაში საკუთარ პროფესიას ბოლომდე უერთგულო, თუმცა, ჩვენი პედაგოგები დგანან განათლებული მომავალი თაობების აღზრდის სადარაჯოზე და პროფესიულ წინსვლაზე ორიენტირებულები, თავს არ ზოგავენ - მოსწავლეებს მისცენ ხარისხიანი განათლება. სწორედ ასეთი თავდადების მაგალითია ხაშურის მუნიციპალიტეტის, სატივის საჯარო სკოლა, სადაც სწავლა აქტიურად და არსებული რეგულაციების დაცვით მიმდინარეობს.
მოსწავლეები ჩართულები არიან სასკოლო ცხოვრებაში, საგაკვეთილო პროცესში, სხვადასხვა აქტივობასაც დიდი წარმატებით ახორციელებენ და სკოლის ერთმუშტად შეკრული, პროფესიონალი გუნდის დამსახურებით, ძალიან უყვართ სწავლა.
ახლახან, სატივის საჯარო სკოლაში, ქართული ენისა და ლიტერატურის პედაგოგმა, სოფო ლომსაძემ I-III კლასის მოსწავლეებისთვის ჩაატარა გაკვეთილი თემაზე „სამშობლო“.
სატივის საჯარო სკოლაში ახალი სქემის ფარგლებში ჩატარებულ გაკვეთილს მხარდაჭერის ჯგუფი დაესწრო და აქტივობა უფროსებისა და ბავშვებისთვის ერთნაირად საინტერესო აღმოჩნდა. მოსწავლეებმა სამშობლოს მნიშვნელობაზე ისაუბრეს და სოფო მასწავლებლის ძალისხმევით, მეტად შეიგრძნეს სამშობლოს სიყვარული.
იხილეთ ფოტოები
