„ჰაერის დაბინძურება და მისი თავიდან აცილების საშუალებები“ - საგარეჯოს N4 სკოლის მერვეკლასელები მარიამჯვრის ნაკრძალის დირექტორს შეხვდნენ
18-05-2021
საგარეჯოს N4 საჯარო სკოლაში სტუმრები, საქართველოს დაცული ტერიტორიების მარიამჯვრის ნაკრძალის დირექტორი ზვიდი ტიგინაშვილი და მისი თანამშრომლები - ნინო გაბროშვილი და მურმან ებრალიძე იმყოფებოდნენ.
სამუშაო შეხვედრა ქიმიის მასწავლებლის, ნანული როსტიაშვილის ორგანიზებით, VIIIა კლასის მოსწავლეებთან კომპლექსური დავალების ფარგლებში შედგა.
შეხვედრის თემა იყო - „ჰაერის დაბინძურება და მისი თავიდან აცილების საშუალებები“.
მოწვეულმა სტუმრებმა ისაუბრეს გარემოს დაცვით ღონისძიებებზე, ტყის როლზე ჰაერის სისუფთავის დაცვაში და საქართველოს კანონმდებლობის საკითხებზე გარემოს დაცვასთან დაკავშირებით.
იხილეთ ფოტოები:
სკოლების სიახლეები
