ზუგდიდის მუნიციპალიტეტის სოფელ ჩხორიის საჯარო სკოლაში eTwinning-ის დღე აღინიშნა.

ამ დღესთან დაკავშირებით მოსწავლეებმა ნახატები, პოსტერები და ვიდეო-კოლაჟები შექმნეს. მოეწყო მხიარული სტარტებიც.

სკოლის აღსაზრდელებმა სამახსოვრო ფოტოები გადაიღეს. აქტიური მოსწავლეები სერთიფიკატებითაც დაჯილდოვდნენ. 

სკოლის ინფორმაციით, ჩხორიის საჯარო სკოლა უკვე მეოთხე წელია ჩართულია eTwinning პროექტებში, რომელიც ხელს უწყობს მოსწავლეებში 21-ე საუკუნისათვის საჭირო უნარების განვითარებას. მოსწავლეები ხალისით ერთვებიან სხვადასხვა აქტივობებში; გაიჩინეს უცხოელი მეგობრები; განუვითარდათ ინგლისური ენისა და ისტ ტექნოლოგიების უნარები; გახდნენ უფრო ფართოდ და თავისუფლად მოაზროვნეები. წელს  ჩხორიის საჯარო სკოლას eTwinning სკოლის ტიტული მიენიჭა. 

იხილეთ ფოტოები