წალკის მუნიციპალიტეტის სოფელ საყდრიონის საჯარო სკოლის მოსწავლეებმა - მესამეკლასელმა ლიზი მარკოიძემ და მეოთხეკლასელმა ნოდარ მარკოიძემ izrune.ge-ს მათემატიკური აზროვნების ოლიმპიადაზე წარმატებით იასპარეზეს და I ხარისხის სერტიფიკატები დაიმსახურეს.

მათემატიკური აზროვნების ოლიმპიადა საგანმანათლებლო პორტალ izrune.ge-ზე 29 აპრილს გაიმართა.

izrune.ge ინოვაციური პროექტი და ონლაინ საგანმანათლებლო პლატფორმაა, რომელიც მოსწავლეს ეფექტური განათლების მიღებაში ეხმარება. მისი საშუალებით მოსწავლეს შეუძლია, გაიაროს თავისი ასაკის შესაბამისი კითხვებისგან შედგენილი ტესტები და შეამოწმოს საკუთარი ცოდნა.

იხილეთ ფოტო