სენაკის მუნიციპალიტეტის სოფელ ხორშის საჯარო სკოლა ღვაწლმოსილ პედაგოგს, ნატო გვასალიას გლოვობს.

„დღეს გადაინაცვლა მარადისობაში და დაგვიტოვა სითბოთი სავსე მოგონებები, რომელიც ძნელია გავიხსენოთ უტკივილოდ...

სპეტაკი და სამართლიანი, ბავშვებზე და პროფესიაზე უანგაროდ შეყვარებული პედაგოგი, თითოეულ მოსწავლეზე მზრუნველი, სიკეთის და სათნოების მქადაგებელი, სიმშვიდის და წესრიგის მოყვარული... უდიდესია მისი ღვაწლი ჩვენი სკოლის ისტორიაში.

მშვიდად განისვენეთ და კურთხეულ იყოს თქვენი სული ზეციურ სამყოფელში!“ - ვკითხულობთ სკოლის სამძიმარში.