ხულოს მუნიციპალიტეტის სოფელ განახლების სკოლაში პროექტი „ერთად მშვიდობიანი თანაცხოვრებისთვის“ დასრულდა. 

პროექტის ფარგლებში სიყვარულის დღესთან დაკავშირებით ღონისძიება გაიმართა. მოსწავლეებმა სიყვარულის არსსა და მის მნიშვნელობაზე ისაუბრეს. მათ წარმოადგინეს ჩანახატები და წაიკითხეს ლექსები, რის შემდეგაც შეაჯამეს ზემოაღნიშნული პროექტი. ღონისძიების დასასრულს, პროექტის მონაწილეებს აქტიურობისთვის მცირედი საჩუქრებიც გადასცეს.

„სკოლის სახელით მადლობას ვუხდით ამ პროექტის ინიციატორებს - სამოქალაქო განათლების მასწავლებელს, ქალბატონ დარიკო მელაძესა და ამავე სკოლის კურსდამთავრებულს  მაგდა ცეცხლაძეს დაუღალავი შრომისთვის,“ - აღნიშნულია სკოლის მიერ გავრცელებულ ინფორმაციაში.

იხილეთ ფოტოები