დედოფლისწყაროს მუნიციპალიტეტის სოფელ ფიროსმანის საჯარო სკოლის მე-10, მე-11 და მე-12 კლასის მოსწავლეებმა, ინგლისური ენის წამყვანი მასწავლებლის, ლეილა ტარიელაძის ხელმძღვანელობითა და სკოლის დირექციის ხელშეწყობით, დედამიწის დღე აღნიშნეს.

მოსწავლეებმა დამსწრე საზოგადოებას ინგლისურ ენაზე მათ მიერ მომზადებული სტატიები თარგმანთან ერთად წარუდგინეს; გააცნეს დედამიწის დღესთან დაკავშირებული თემატური პოსტერები და პლაკატებიც. 

გარდა ამისა, მათ აუდიტორიას მაიკლ ჯექსონის ლეგენდარული სიმღერა Earth მოასმენინეს.

მოსწავლეებმა მაყურებლებს მათ მიერ დამზადებული საინფორმაციო ორენოვანი ბუკლეტები და დედამიწის გამოსახულებით გაფორმებული საქართველოს დროშები გადასცეს.

იხილეთ ფოტოები