საჩხერის N1 საჯარო სკოლის მოსწავლის წარმატება სასწავლო ოლიმპიადაზე
27-04-2021
აკაკი წერეთლის სახელობის ქალაქ საჩხერის N1 საჯარო სკოლაში სწავლა-სწავლების პროცესი აქტიურად და რა თქმა უნდა, არსებული პროტოკოლის ზედმიწევნით დაცვით მიმდინარეობს. მოსწავლეები ჩართულები არიან სასკოლო ცხოვრებაში, საგაკვეთილო პროცესში, სხვადასხვა აქტივობასაც დიდი წარმატებით ახორციელებენ და სკოლის ერთმუშტად შეკრული, პროფესიონალი გუნდის დამსახურებით, ძალიან უყვართ სწავლა.
საჩხერის N1 საჯარო სკოლის მოსწავლემ - თეკლე ღონღაძემ 2020-2021 სასწავლო წლის ეროვნულ სასწავლო ოლიმპიადაში მიიღო მონაწილეობა, ბიოლოგიის განხრით და წარმატებასაც მიაღწია - თეკლე მესამე ტურში გადავიდა.
„თეკლე ღონღაძესა და მის მასწავლებელს - მანანა გოგოლიძეს ვულოცავთ წარმატებას. გისურვებთ წინსვლას, ჩვენო ძვირფასებო“, - ნათქვამია საჩხერის N1 საჯარო სკოლის მიერ გავრცლებულ ინფორმაციაში.
იხილეთ ფოტო:
სკოლების სიახლეები
