ამერიკული საერთაშორისო სკოლა-კოლეჯ „პროგრესში“ 23-24 აპრილს „ბიზნეს სკოლის“ და „სამართლის კლუბის“ მიერ ორგანიზებული კონკურსი - „მედიაციის როლური თამაში“ ჩატარდა.

კონკურსში მე-9, მე-10, მე-11 და მე-12 კლასების მოსწავლეები მონაწილეობდნენ.

„პირველ დღეს მონაწილეებს მოწვეული ტრენერის მიერ ჩაუტარდათ ტრენინგი მედიაციის თემაზე და ჰქონდათ სიმულაციური თამაში. მეორე დღეს გუნდის წევრებმა, რომლებიც აირჩნენ შემთხვევითობის პრინციპით, განიხილეს ქეისი, მოირგეს მედიატორების როლი.

გამარჯვებულები გამოავლინა კომპეტენტურმა მოწვეულმა ჟიურიმ, შესაბამისი კრიტერიუმის მიხედვით.

კონკურსში მონაწილეობით ბავშვებმა შეიძინეს გამოცდილება, პრეზენტაციური უნარები, ისწავლეს მედიაციის როლის მნიშვნელობა, გუნდურობა.

გამარჯვებულებს გადაეცათ სერტიფიკატები და სხვადასხვა პრიზი!“- აღნიშნულია სკოლის ინფორმაციაში.