ნიკო ბაგრატიონის (ბურის) სახელობის მცხეთის მუნიციპალიტეტის სოფელ მუხრანის N1 საჯარო სკოლის IVა კლასის მოსწავლეები, დამრიგებლის მანანა პეპანაშვილის ხელმძღვანელობით, მნიშვნელოვან თარიღებს აქტიურად აღნიშნავენ.
მოსწავლეებმა დედაენის დღისადმი მიძღვნილი კვირეულის ფარგლებში გაზეთი - „დედაენა - მსოფლიოს მერვე საოცრება“ გამოუშვეს. გაზეთის შექმნაში აქტიურად მონაწილეობდნენ მოსწავლეები - ანრი ყალიონაშვილი, ნინო ფოლადიშვილი და ანდრია ბაბაშვილი.
მეოთხეკლასელებმა მოაწყეს კუთხე, სადაც გამოფინეს დედაენის სახელმძღვანელოები და გააფორმეს თავიანთი შესრულებული ნახატებით. შეისწავლეს ამ დღისადმი მიძღვნილი ლექსები.
IVა კლასმა ასევე მრავალფეროვანი აქტივობებით აღნიშნა დედამიწის დღე.
მოსწავლეები ამ დღის აღნიშვნის მნიშვნელობას გაეცნენ და ჩაერთვნენ გარემოსდაცვით აქტივობებში - დაასუფთავეს თავისი ბაღი, დარგეს ყვავილები.
მოსწავლეებს ასევე ჩაუტარდათ კლასის საათი - „გვესმოდეს ხის გულისცემა“ (დედამიწის ფილტვებს მოფრთხილება სჭირდება). მოაწყეს პლაკატების გამოფენა: „დედამიწა ჩემი სახლია“; „მეტი ხე , მეტი სუფთა ჰაერი“; „დედამიწა ადრე - ახლა“; „კორონავირუსი უტევს დედამიწას“.
„ჩვენი არაჩვეულებრივი მეოთხეკლასელები გვპირდებიან, რომ სასკოლო ცხოვრებაში კვლავ აქტიურად ჩაერთვებიან“,- აღნიშნულია სკოლის მიერ მოწოდებულ ინფორმაციაში.
იხილეთ ფოტოები:
