თბილისის N103 საჯარო სკოლის მე-9 კლასის მოსწავლეებმა, პედაგოგ რუსუდან ნუცუბიძის ხელმძღვანელობით, განახორციელეს პროექტი „გარემო ქიმიის თვალსაზრისით. გარემოს ვქმნით ჩვენ“.

„დედამიწის დღისადმი მიძღვნილი ამ პროექტის ფარგლებში მოსწავლეებმა იმუშავეს კომპლექსურ დავალებაზე. დავალების შესრულების ერთ-ერთ ეტაპზე საინტერესო შეხვედრა გაიმართა მაღალი რისკჯგუფის დაავადებათა სპეციალისტებთან.

პროექტის დასასრულს დედამიწის კვირეული შერჩეულ თემებზე ჯგუფური სამუშაოების პრეზენტაციებით დასრულდა.
მადლობა პროექტის ყველა მხარდამჭერს, კოლეგებს და მოსწავლეებს საინტერესო ნამუშევრებისთვის, პრობლემათა გადაჭრის იმ ხედვებისთვის, რომლებიც ჯანსაღ გარემოში და მათი ჯანსაღად ცხოვრების საწინდარია“, - წერია სკოლის ინფორმაციაში.