წალენჯიხის მუნიციპალიტეტის სოფელ ეწერის საჯარო სკოლაში დედამიწის დღე სხვადასხვა აქტივობით აღინიშნა. ეკოკლუბ  „ხემხვაიეს“ წევრებმა X, V და VI კლასის მოსწავლეებთან ერთად სკოლის ეზოში ნერგები დარგეს.

V-VI კლასის მოსწავლეებს შორის ინტელექტუალური კონკურსი „მოგზაურობა დედამიწის გარშემო“ გაიმართა. აქტივობა საინტერესოდ და მხიარულად წარიმართა.

მოსწავლეებმა თემატური პლაკატებიც შექმნეს და ამით მოუწოდეს თანატოლებს, დაიცვან დედამიწა. 

აქტივობებს ხელმძღვანელობდნენ - მთვარისა ფიფია და მარინა რუხაია. 

სკოლის დირექციამ ეკოკლუბს  სამუშაო ოთახი გადასცა.

„ეკოოთახი გახდება ეკოკლუბელთა  შეხვედრების, დისკუსიების, ტრენინგების ადგილი. ეკოკლუბს პირველი საჩუქარი გეოგრაფიის მასწავლებელმა, ნანა ჯაბურიამ და ბორის მორგოშიამ გადასცეს“, - აღნიშნულია სკოლის მიერ მოწოდებულ ინფორმაციაში.

იხილეთ ფოტოები