ქვემო მახოს საჯარო სკოლაში პირველკლასელებმა დედაენის დღე აღნიშნეს
26-04-2021
ხელვაჩაურის მუნიციპალიტეტის სოფელ ქვემო მახოს საჯარო სკოლის 1-ლი კლასის მოსწავლეებმა დამრიგებლის, ნონა გოგიტიძის ხელმძღვანელობით დედაენის დღე ღონისძიებით აღნიშნეს.
პირველკლასელებმა ლექსები წაიკითხეს და სიმღერით გაალამაზეს ეს მნიშვნელოვანი დღე.
1978 წლის 14 აპრილის მოვლენების აღსანიშნავად, 14 აპრილს დედაენის დღე საქართველოში 1990 წლიდან აღინიშნება.
1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების მიხედვით, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.
იხილეთ ვიდეო
სკოლების სიახლეები
