წალენჯიხის მუნიციპალიტეტის გ. მებონიას სახელობის ობუჯის თემის N1 საჯარო სკოლაში საქველმოქმედო გამოფენა-გაყიდვა მოეწყო.

აქტივობა მე-10 კლასის მოსწავლეებმა მასწავლებლის, მარინე ადონიას ხელმძღვანელობით პროექტის  - „ვისწავლოთ სიკეთის კეთება“ ფარგლებში განახორციელეს. 

მოსწავლეებმა გამოფინეს და გაყიდეს თავიანთი ნამუშევრები: ნახატები ტილოზე, ქაღალდზე, ქვაზე, მოხატული თეფშები და ქაღალდისგან დამზადებული სუვენირები. 

გამოფენაში მეათეკლასელების გარდა, ამავე სკოლის მე-11 და მე-12 კლასის მოსწავლეებმა, დიანა და დავით კონჯარიებმა და ალიკა საჯაიამ მიიღეს მონაწილეობა.

გაყიდული ნამუშევრებიდან შემოსული თანხა თემის ორ სოციალურად დაუცველ ოჯახს გადაეცემა. 

იხილეთ ფოტოები