ვანის მუნიციპალიტეტის სოფელ ზედა ბზვანის საჯარო სკოლაში დედამიწის დღის აღსანიშნავი ღონისძიება გაიმართა.

მოსწავლეებმა სკოლის ეზოში ნაძვი დარგეს და სკოლის მიმდებარე ტერიტორია დაასუფთავეს.

გეოგრაფიის მასწავლებელმა, ნანი ფერაძემ სკოლის აღსაზრდელებს დედამიწისა და სუფთა გარემოს მნიშვნელობა გააცნო.

მოსწავლეებმა იმსჯელეს, თუ როგორ ზიანდება გარემო ადამიანის დაუდევრობით და მიზნად დაისახეს ჩაატარონ გარემოს დაცვის მხარდასაჭერი ღონისძიებები. მათ გამოთქვეს სურვილი, რომ სოფლის მაცხოვრებლებს გააცნონ, თუ რაოდენ დიდი მნიშვნელობა აქვს ეკოლოგიაზე ზრუნვას.

იხილეთ ფოტოები