ბანოჯის საჯარო სკოლაში მოსწავლეებმა და პედაგოგებმა დაშვებული დროშის ქვეშ წუთიერი დუმილით პატივი მიაგეს ჯერ აჭარაში სასტუმრო „ლეო გრანდში“ ტრაგიკულად დაღუპულებს, შემდეგ კი თბილისის 51-ე საჯარო სკოლის მოსწავლეთა ხსოვნას. 

სწორედ ამასთან დაკავშირებით, ბანოჯის საჯარო სკოლაში IX- X -XI-XII კლასელებთან დისკუსია თემაზე: „ბულინგი - სასკოლო ძალადობაა!“ გაიმართა. 

მოსწავლეებმა ისაუბრეს სასკოლო ძალადობის სხვადასხვა ტიპის, მისი პრევენციის ხერხებსა და მეთოდებზე.

მათ გააცნობიერეს საკუთარი დამოკიდებულება პრობლემის მიმართ და ერთხმად შეჯერდნენ, მთავარზე - რომ სკოლაში კეთილგანწყობილ გარემოს თავად მოსწავლეები ქმნიან, ერთმანეთთან გულწრფელი და თბილი დამოკიდებულებებით. 

დისკუსიაში ასევე მონაწილეობდნენ სკოლის პედაგოგები ქეთევან აფხაძე, შორენა მელაძე და სკოლის დირექტორი ნინო წილოსანი. 

მათ მიერ ყურადღება გამახვილდა ჯანსაღი გარემოს შექმნაში მოსწავლის, მასწავლებლისა და მშობლის სწორ ურთიერთთანამშრომლობაზე. 

როგორც სკოლის წარმომადგენლები აღნიშნავენ, დისკუსია მიეძღვნა თბილისსა და წყალტუბოს მუნიციპალიტეტში არასრულწლოვანთა დაპირისპირებებს, რომლებიც სამწუხაროდ მძიმე შედეგებით დასრულდა.

იხილეთ ფოტოები