„დედამიწა ჩემი სახლია“ - კოჭბანის საჯარო სკოლაში დედამიწის დღეს პროექტი მიეძღვნა
22-04-2021
საგარეჯოს მუნიციპალიტეტის სოფელ კოჭბანის საჯარო სკოლის მე-3 კლასში დედამიწის დღეს პროექტი - „დედამიწა ჩემი სახლია“ მიუძღვნეს.
აღსანიშნავია, რომ მე-3 კლასში მხოლოდ ერთი მოსწავლე სწავლობს, ამიტომ მასთან ერთად მონაწილეობის და დახმარების სურვილი უფროსკლასელებმაც გამოთქვეს, რისთვისაც მათ კლასის დამრიგებელი ინგა მამუკაშვილი მადლობას უხდის.
პროექტის ლოზუნგი იყო - „დაე, მუდამ ისუნთქოს ჩვენმა დედამიწამ“.
დედამიწის დღე ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს ქვეყნებში გარემოსდაცვითი ღონისძიებები იმართება.
იხილეთ ფოტოები:
სკოლების სიახლეები
