მესტიის მუნიციპალიტეს სოფელ იელის საჯარო სკოლაში დედა ენის დღესთან დაკავშირებით განხორციელდა პროექტი - „ჩვენი საგანძური“. პროექტის ფარგლებში მოსწავლეები ქართული დამწერლობის ისტორიის გაეცნენ და ქართული წარწერების უძველესი ნიმუშების შესახებ მოიძიეს ინფორმაცია.

სკოლის აღსაზრდელებმა შეისწავლეს ძველ ქართულად კითხვა და წერა, რის შემდგომაც შეძლეს თავად ამოეკითხათ ინფორმაცია ისტორიული ძეგლებიდან. მათ ხელნაწერები ასომთავრული და ნუსხა-ხუცური ანბანით შეასრულეს. მოსწავლეებმა სანიშნეები და
კედლის გაზეთიც შექმნეს.

მე-7-მე-9 კლასის მოსწავლეებმა საპრეზენტაციოდ მოამზადეს თემები -  „14 აპრილის ისტორია“ და „ნაციონალური იდენტობა“. 

იელის საჯარო სკოლაში ლექსების წაკითხვის შეჯიბრიც გაიმართა, რომელიც საკმაოდ სახალისო და საინტერესო აღმოჩნდა. 

იხილეთ ფოტოები