თბილისის N90 საჯარო სკოლის მოსწავლეებმა დედაენის დღეს კედლის გაზეთი მიუძღვნეს
19-04-2021
თბილისის N90 საჯარო სკოლაში დედაენის დღე საზეიმოდ აღნიშნეს.
სკოლის მიერ მოწოდებული ინფორმაციის მიხედვით, მე-2გ და მე-4ა კლასის მოსწავლეებმა წაიკითხეს დედა ენისა და ქართული ენისადმი მიძღვნილი ქართველი პოეტების ლექსები. შექმნეს ლამაზი ილუსტრაციები და ამ დღისადმი მიძღვნილი კედლის გაზეთი გააკეთეს.
1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.
საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.
იხილეთ ფოტოები:
სკოლების სიახლეები
