წალკის მუნიციპალიტეტის სოფელ გუმბათის საჯარო სკოლაში 9 აპრილის ტრაგიკული მოვლენები გაიხსენეს.
მოსწავლეებმა თ. ჩაგელიშვილის ფილმი - „9 აპრილის საიდუმლო“ ნახეს. კინოჩვენების გაიმართა დისკუსია. მოსწავლეებმა ისაუბრეს თუ რა მნიშვნელობა ჰქონდა ამ დღეს ეროვნულ-განმათავისუფლებელი მოძრაობის განვითარებისათვის. დისკუსიაში ჩართულნი იყვნენ მასწავლებლებიც.
1989 წლის 9 აპრილის ტრაგედიიდან 32 წელი შესრულდა.
32 წლის წინ, 1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია საბჭოთა არმიამ დაარბია. შეტაკების შედეგად, 21 ადამიანი დაიღუპა, ასობით მოქალაქე კი დაუდგენელი გაზით მოიწამლა.
2 წლის თავზე, 1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები:
