სენაკის მუნიციპალიტეტის სოფელ გეჯეთის საჯარო სკოლაში თემაზე - „9 აპრილის ტრაგედიით გამოწვეული ტკივილის ასახვა ლიტერატურასა და ხელოვნებაში“ ღონისძიება ჩატარდა.
მოსწავლეებმა პლაკატები - „გვახსოვდეს 9 აპრილის გმირები“ და „დღე გლოვის დღე გამარჯვების“ დაამზადეს და საქართველოს თავისუფლებისთვის დაღუპულ გმირებს პატივი მიაგეს.
ღონისძიება მიზნად ისხავდა, ტრაგედიით გამოწვეული ტკივილის ასახვას.
ღონისძიებას ხელმძღვანელობდნენ: ქართული ენისა და ლიტერატურის მასწავლებლი მარიამ ბესიაშვილი, ხელოვნების მასწავლებელი მარი სიხარულიძე და 5კლასის დამრიგებელი კარინა ბუიანოვა.
1989 წლის 9 აპრილის ტრაგედიიდან 32 წელი შესრულდა.
1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია საბჭოთა არმიამ დაარბია. შეტაკების შედეგად, 21 ადამიანი დაიღუპა, ასობით მოქალაქე კი დაუდგენელი გაზით მოიწამლა.
2 წლის თავზე, 1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები:
