აკადემიკოს ივანე ჯავახიშვილის სახელობის თბილისის N53 საჯარო სკოლა მოსწავლეს დიდ ბრიტანეთში Unique Learning- ის მიერ ორგანიზებულ სასტიპენდიო პროგრამაში გამარჯვებას ულოცავს. 

„ჩვენი სკოლის მე-11 კლასის მოსწავლეს, მზიკო ნიკოლიშვილს ვულოცავთ დიდ ბრიტანეთში Unique Learning-ის მიერ ორგანიზებულ სასტიპენდიო პროგრამაში გამარჯვებას და ორი წლიანი სასწავლო სტიპენდიის მოპოვებას 65%-იანი დაფინანსებით.

მზიკო ორი წლის განმავლობაში ისწავლის დიდ ბრიტანეთში, ჰაროგეიტის ქალთა კოლეჯში (Harrogate Ladies’ College) A Level-ის პროგრამაზე. ჰაროგეიტის ქალთა კოლეჯი დამოუკიდებელი კერძო სკოლაა, რომელიც გამოირჩევა მაღალი აკადემიური სწავლების ხარისხით. სტიპენდია ფარავს სწავლის, საკვების და საცხოვრებლის ხარჯებს", - აღნიშნულია მოწოდებულ ინფორმაციაში.