8 მარტს, ოტია იოსელიანის სახელობის წყალტუბოს N1 საჯარო სკოლა IIბ კლასში (მასწავლებელი ი.გურეშიძე) კომპლექსური გაკვეთილის დასკვნითი ეტაპი ჩატარდა.
გაკვეთილის სამიზნე ცნება იყო კომიქსის შექმნა და წარდგენა. გაკვეთილზე მოსწავლეებმა წარადგინეს მინი-სპექტაკლი. მათ შესაშური სამსახიობო ოსტატობით გააცოცხლეს მოთხრობის პერსონაჟები და სიუჟეტებზე შექმნეს კომიქსი. შედგა პრეზენტაცია და ნამუშევრების გამოფენა.
სკოლის წარმომადგენლის თქმით, აქვე ახალ ტრადიციას ჩაეყარა საფუძველი.
„IIბ და IIგ კლასებში (მასწავლებლები: ი. გურეშიძე და ნ. თუთისანი) გაკვეთილების ჩატარების შემდეგ დირექციის, მოსწავლეებისა და სტუმრის ნანა კაცაძის მონაწილეობით საფუძველი ჩაეყარა მეგობრობის ხეივანს. დაირგო მარადმწვანე ხეები, რომელთა მოვლა-პატრონობაზე უნდა იზრუნონ აღნიშნული კლასების მოსწავლეებმა“,- აღნიშნავს სკოლის წარმომადგენელი.
