ლაგოდეხის მუნიციპალიტეტის, ჭაბუკიანის საჯარო სკოლაში სწავლა-სწავლების პროცესი აქტიურად, რა თქმა უნდა, არსებული რეგულაციების სრული დაცვით მიმდინარეობს. კოვიდ-პანდემიის ფონზე კი სულ უფრო მეტი ყურადღება ეთმობა ცხოვრების ჯანსაღი წესის პროპაგანდას.
ჭაბუკიანის საჯარო სკოლის სპორტის პედაგოგი ლევან კობერიძე მუდმივად ზრუნავს ბავშვების ფიზიკურ განვითარებაზე და მათ სხვადასხვა სპორტულ-შემეცნებით ღონისძიებაშიც რთავს.
ახლახან, ერთ-ერთი ასეთი აქტივობა ჩატარდა, რომელშიც სსსმ მოსწავლეებიც აქტიურად იყვნენ ჩართულები და ეს თავისი საქმის ერთგული პედაგოგის კიდევ ერთი დამსახურებაა, ერთი კი დასანანია - სასკოლო საზოგადოება იძულებულია, ღონისძიებები სოფლის სტადიონზე ჩაატაროს, რადგან სკოლის ღია სპორტულ მოედანზე შეუძლებელია თამაში.
„იმედია სკოლასაც მალე ექნება მოწესრიგებული სპორტული მოედანი“, - აღნიშნავს სპორტის ახალგაზრდა მასწავლებელი ლევან კობერიძე და თითოეულ მოსწავლეს წარმატებას უსურვებს.
იხილეთ ფოტოები:
