- სკოლა არის. . .
- ტაძარი, წმინდა ადგილი, გარემო, სადაც ადამიანი იღებს არა მარტო განათლებას, არამედ ყალიბდება, როგორც პიროვნება და ინდივიდი, როგორც მოქალაქე და გარკვეული ღირებულებების მატარებელი და შემფასებელი. და ჩვენი - პედაგოგების ამოცანა ესაა, რომ თანამედროვე მოსწავლემ ზუსტად ასე აღიქვას სკოლა.
- ცოდნა გვანიჭებს. . .
- ცხოვრების სტიმულს, მოტივაციას, განათლების უპირატესობის ცნობიერებას, სამყაროს მრავალფეროვნების აღქმას, ასევე ახალი გამოწვევებისადმი მზადყოფნას. სხვაგვარად, ცოდნა - იგივე სინათლე, შუქი, რომელიც გვინათებს გზას.
- მომავალ თაობას სჭირდება. . .
- მეტი სითამამე და გამბედაობა. სიღრმისეული და საფუძვლიანი განათლება. ჩვენ გვევალება ჯანსაღად მოაზროვნე პიროვნების, ღირსეული მოქალაქის და, რა თქმა უნდა, განათლებული ადამიანის აღზრდა.
- როდესაც მოსწავლე ვიყავი. . .
- ბევრს ვკითხულობდი, მჯეროდა სასწაულის, ვოცნებობდი სამყაროს შეცვლაზე უკეთესისკენ.
- დირექტორობა მეხმარება. . .
- უფრო ახლოს ვიყო არსებულ გამოწვევებთან, მეტი პასუხისმგებლობით ვუდგე სწავლა-სწავლების საქმეს და ჩემი წვლილი შევიტანო მომავალი თაობის აღზრდაში.
- საკუთარ თავს ხშირად ვახსენებ. . .
უნდა ვიყო ობიექტური, პუნქტუალური, კრიტიკული, ამავდროულად - ტოლერანტი, მეგობრული, კოლეგიალური.
- წარმატებისთვის აუცილებელია. . .
- განათლება, შრომისმოყვარეობა, მოტივაცია, რწმენა თავის თავში, ერთგული გუნდი და ოპტიმიზმი.
