ოტია იოსელიანის სახელობის წყალტუბოს N1 საჯარო სკოლის VI^ა კლასში ჩატარდა ღია გაკვეთილი მათემატიკაში. 

სკოლის მიერ მოწოდებული ინფორმაციის მიხედვით, მასწავლებელი: თ. ჭოლაძემ ღია გაკვეთილი ჩაატარა თემაზე: ღერძული სიმეტრია.

გაკვეთილი ჩატარდა მოსწავლეთა მაქსიმალური ჩართულობით ყველა აქტივობაში. მოსწავლეებმა შეძლეს PP-ში მომზადებულ პრეზენტაციაში მოცემული ფიგურების სიმეტრიის ღერძის მითითება, შეასრულეს პრაქტიკული: სამუშაო წერტილის სიმეტრიული წერტილის აგება, იპოვეს სხვადასხვა ქვეყნის დროშების გამოსახულებაზე სიმეტრიის ღერძი (ღერძები), შეავსეს უჯრებიან ფურცელზე მოცემული ფიგურა სიმეტრიულ ფიგურამდე, აღმოაჩინეს კანონზომიერება ციფრების ღერძული სიმეტრიით მიღებულ ფიგურებში.

გაკვეთილს ესწრებოდა სკოლის დირექტორი ფ. ფანჩულიძე, სასწავლო ნაწილი დ. სილაგაძე, კათედრის ხელმძღვანელი: ნ. ბაზაძე, მასწავლებელი: მ. წულაია. 

გაკვეთილი მოსწავლეებმა და დამსწრეებმა შეაფასეს დადებითად.