ხონის მუნიციპალიტეტის სოფელ კუხის საჯარო სკოლის მე-4 კლასის მოსწავლეებმა, „ახალი სკოლის მოდელის“ ფარგლებში ქართული ენის გაკვეთილზე კომპლექსური დავალება - „მიკრობები ყველგან ცხოვრობენ“ შეასრულეს. 

მოსწავლეები დავალების შესრულებაში ხალისით ჩაერთვნენ და ნიჭი და შესაძლებლობები წარმოაჩინეს.

მოსწავლეთა პედაგოგი ცამალა მუსელიანი გახლავთ.

„მოსწავლეები დიდი ხალისით მუშაობდნენ და შექმნეს კომიქსები, ელექტრონულ წიგნი Microsoft PowerPoint-ის პროგრამაში „ორი მიკრობის შეხვედრა“, გამართეს პრესკონფერენცია, სადაც კარგად მოირგეს ჟურნალისტების როლი, მიკროფონებიც კი დაამზადეს შესაბამისი ლოგოებით“,- აღნიშნავს პედაგოგი.