დავით კლდიაშვილის სახელობის თერჯოლის მუნიციპალიტეტის სოფელ ზედა სიმონეთის საჯარო სკოლაში, მარტში მრავალფეროვანი ღონისძიებები გაიმართა.

„2 მარტს მე-6 კლასის მოსწავლეებმა „დედის დღეს“ მიუძღვნეს შემოქმედებითი გაკვეთილი ქართულ ენასა და ლიტერატურაში (პედაგოგი შორენა გვენეტაძე).

მათ წარმოადგინეს დედაშვილობის თემაზე შექმნილი წერილები, ჩანახატები, ლექსები, მინი-პოსტერები, ფოტოკოლაჟები.

დაამზადეს მისალოცი ბარათები IV^ა და IV^ბ კლასის მოსწავლეებმა ულამაზესი სიტყვებით, ლექსებითა და სიმღერებით მიულოცეს დედიკოებს გაზაფხულის ეს უმშვენიერესი დღე.

ღონისძიება მოამზადეს ამავე კლასების ხელმძღვანელებმა: ლამზირა მემანიშვილმა და თამარ ქოჩიაშვილმა“, - ნათქვამია სკოლის ინფორმაციაში.