21 მარტს დაუნის სინდრომის საერთაშორისო დღე აღინიშნება და მსოფლიოს მრავალ ქვეყანაში, ცნობიერების ამაღლების მიზნით, სხვადასხვა ღონისძიება იმართება. დაუნის სინდრომის მსოფლიო დღე გაერო-ს ეგიდით 2011 წლის 10 ნოემბერს დაწესდა და მას შემდეგ, საქართველოს  საჯარო სკოლების მოსწავლეები სხვადახვა აქტივობით ცდილობენ, გააგებინონ მსოფლიოს, რომ მეგობრები ქრომოსომებს არ ითვლიან.

ხულოს მუნიციპალიტეტის, დანისაპარაულის საჯარო სკოლაში 21 მარტს - დაუნის სინდრომის საერთაშორისო დღეს ღონისძიებით გამოეხმაურნენ. მოსწავლეებმა საკუთრი ხელით შექმნეს პლაკატები, სტიკერები, წარმოთქვეს საკმაოდ ემოციური სიტყვა და კიდევ ერთხელ, თანატოლებსაც და მსოფლიოსაც დაუმტკიცეს, რომ დანისპარაულის საჯარო სკოლაში, ქრომოსომებს არ ითვლიან. - ასეთი იყო მოსწავლეების გზავნილი საქართველოსა და ზოგადად მსოფლიოსთვის.

დანისპარაულის საჯარო სკოლაში დასწრებითი სწავლება მიმდინარეობს და მოსწავლეებიც აქტიურად არიან ჩართულები სასკოლო ცხოვრებაში.