რა გამოწვევების წინაშე დააყენა კოვიდ-პანდემიამ და რა ასწავლა ონლაინ სწავლებამ; როგორ დაახასიათებდა 2020 წელს და რაზე ფიქრობს ყველაზე ხშირად - ამ და სხვა საკითხებზე etaloni.ge საჩხერის მუნიციპალიტეტის სოფელ შომახეთის საჯარო სკოლის დირექტორის, იოსებ (სოსო) მაჭარაშვილის ბლიც-ინტერვიუს გთავაზობთ:

- კოვიდ-პანდემიამ დაგვანახა...

- გამოწვევები, რომლებიც უკავშირდება კომპიუტერული ტექნოლოგიების ცოდნასა და გამოყენებას სასწავლო პროცესში, სოციალური უნარების განვითარებას.

- ონლაინ სწავლებამ გვასწავლა...

- სხვადასხვა პლატფორმების გამოყენება სასწავლო პროცესის ეფექტურად წარმართვაში.

- 2020 წელს დავახასიათებდი...

- გამოწვევებით სავსე წლად.

- მასწავლებლებისგან ყველაზე ხშირად მიხარია...

- მათი მონდომება, მაღალი მოტივაცია, სიახლეებისადმი მზაობის ქონა.

- მოსწავლეებისგან ყველაზე მეტად მიკვირს...

- დაბალი მოტივაცია, მიუხედავად მასწავლებელთა დიდი მონდომებისა, მოსწავლის დაბალი ჩართულობა სასწავლო პროცესში.

- მშობლებს ვურჩევდი...

- მეტად დაინტერესდნენ შვილის განათლებით; მხოლოდ ტექნიკური და ინტერნეტის გამართულობა არ არის საკმარისი ცოდნის მისაღებად, საჭიროა, მეტი ყურადღება.

- ყველაზე ხშირად ვფიქრობ...

- ონლაინ სწავლებით გამოწვეულ სირთულეებზე მოსწავლეებში; ახალმა რეალობამ მოსწავლეების ცოდნის დონე დაწია.