ემზარ რეხვიაშვილის სახელობის ბოლნისის მუნიციპალიტეტის სოფელ რაჭისუბნის საჯარო სკოლის მე-5 კლასის მოსწავლემ, გიორგი ზიბირმამ სახალისო ინტელექტუალური თამაში შექმნა.

„თამაშის მიზანია: სტარტიდან ფინიშამდე მისვლა; თამაშის პრინციპია: სტარტზე დგას სათამაშო მანქანა.

ვაგორებთ კამათელს. კამათელზე რამდენი წერტილიც ამოვა, იმდენით გადავაადგილებთ სათამაშო მანქანას წინ. თითოეული პუნქტი აღნიშნულია სხვადასხვა ფერის წრეებით, რომლებზეც წერია რიცხვები 1-დან 40-ის ჩათვლით.

ყველა ფერს თავისი დანიშნულება აქვს:​ ყვითელზე- ერთით უკან; წითელზე - თამაშის გამოტოვება;​ მწვანეზე - ორით წინ.

თამაშში შეიძლება ჩაერთოს რამდენიმე ბავშვი.

თამაში უფრო საინტერესო რომ გამხდარიყო, ფინიშამდე მისასვლელი გზა შენობებითა და სხვა სურათებით გავაფორმე“, - აცხადებს მოსწავლე.