ხულოს მუნიციპალიტეტის სოფელ ვერნების საჯარო სკოლაში დაუნის სინდრომის დღე აღნიშნეს. 

მოსწავლეებმმა ჩაატარეს საინფორმაციო კამპანია. წარმოადგინეს პრეზენტაციები და კიდევ ერთხელ გამოეხმაურნენ ლოზუნგს, რომ მეგობრები არ ითვლიან ქრომოსომებს.

დაუნის სინდრომი ქრომოსომული გენეტიკური ცვლილებაა, რომლის დროსაც 46 ქრომოსომის ნაცვლად, გვხვდება დამატებით ერთი ქრომოსომა 21-ე წყვილში, რასაც 21-ე წყვილის ტრისომია ეწოდება.

დაუნის სინდრომის მსოფლიო დღე ოფიციალურად 2011 წელს გაერთიანებული ერების ორგანიზაციის ეგიდით აღიარეს. დღე და თვე შემთხვევით არ აურჩევიათ და ის სიმბოლური ხასიათისაა. 21-ე ქრომოსომას აღნიშნავს თარიღი, ხოლო მარტი როგორც წელიწადის მესამე თვე - ტრისომიულ მოვლენას.