წყალტუბოს მუნიციპალიტეტის ფარცხანაყანევის N1 საჯარო სკოლაში საინტერესო შეხვედრა გაიმართა საქართველოს გაეროს ასოციაციის პროგრამა „მოძრავი სახალხო უნივერსიტეტის“ ფარგლებში.

ლექციას, რომელსაც სკოლის IX-XI კლასელები და მასწავლებლები ესწრებოდნენ, უძღვებოდნენ: ირაკლი ირემაძე- საქართველოს გაეროს ასოციაცია, ირაკლი ხვადაგიანი-საბჭოთა წარსულის კვლევის ლაბორატორია, ანა მარგველაშვილი-სათემო განვითარების ცენტრი.

ლექციაზე წარმოდგენილი იყო შემდეგი შინაარსის თემები:

1. ადგილობრივი თვითმმართველობები საქართველოში: საქართველოს დემოკრატიული რესპუბლიკის (1918-1921) და თანამედროვე საქართველოს გამოცდილება.

2. სათემო ინიციატივები და სათემო გაერთიანებები საქართველოსა და ევროპაში: წარსული და თანამედროვეობა.

შეხვედრა საინტერესოდ წარიმართა, კითხვა-პასუხის რეჟიმში მასში ჩართული იყვნენ სკოლის მოსწავლეებიც. სკოლის დირექცია მადლობას უხდის საქართველოს გაეროს ასოციაციას წარმოდგენილი აქტივობისთვის.

იხილეთ ფოტოები